గర్భా నృత్యం చేస్తున్న‌ 97 ఏళ్ల వృద్ధురాలు... మోదీ త‌ల్లిగా భ్ర‌మ‌పడిన కిర‌ణ్‌బేడీ

దీపావ‌ళి ప‌ర్వ‌దినం సంద‌ర్భంగా త‌న ఇంట్లో గ‌ర్భా నృత్యం చేస్తున్న 97 ఏళ్ల వృద్ధురాలి వీడియో ట్విట్ట‌ర్‌లో వైర‌ల్‌గా మారింది. ఈ వీడియోలో ఉన్న వృద్ధురాలు ప్ర‌ధాని న‌రేంద్ర‌మోదీ త‌ల్లి హీరాబెన్ మోదీగా భ్ర‌మ‌ప‌డి పుదుచ్చేరి గ‌వ‌ర్న‌ర్ కిర‌ణ్ బేడీ వీడియోను షేర్ చేశారు.

 `97 ఏళ్ల వ‌య‌సులో త‌న ఇంట్లో దీపావ‌ళిని ఆస్వాదిస్తున్న ప్ర‌ధాని త‌ల్లి హీరాబెన్‌` అని ఆమె పోస్ట్ చేశారు. ఈ పోస్ట్‌లో ఇషా ఫౌండేష‌న్ స‌ద్గురు జ‌గ్గీవాసుదేవ్‌ను ఆమె ట్యాగ్ చేశారు. త‌ర్వాత కొన్ని గంట‌ల‌కు ఆ వీడియోలో ఉన్న‌ది న‌రేంద్ర‌మోదీ త‌ల్లి కాద‌ని తెలిసి కిర‌ణ్ బేడీ మ‌రో ట్వీట్ చేశారు. `ఆమెను త‌ప్పుగా గుర్తించాను. ఏదేమైనా ఆమె స్థైర్యానికి వంద‌నాలు. 96 ఏళ్ల వ‌య‌సులో నేను కూడా అలాగే ఉండాల‌ని ఆశిస్తున్నాను` అని కిర‌ణ్ ట్వీట్ చేశారు.